Na tutugan gunung malabar

banjaran lempar tur datar

lemah resik camperenik

dilingkung pasir wuwuh resik narik ati

tempat pelesir

banjaran di bandung kidul

jleg jirim puseur industri

jalan jadi ekonomi

karaharjan lemah cai

opak kamasan nyongcolang

nga rujak anu kamashur ciherang

mun digending lagu buhun 

titinggal para karuhun

banjaran banjaran rasa

nu asri banjaran sari

kiwari banjaran ngadaun ngora

boa jaga boa jaga jadi kota

 (lagu banjaran diciptakeun dina taun 1929  kengeng WINATAPURA nu katelah Guru Cisompet (alihan ti Cisompet)  terah SELAKOPI CIANJUR, nya mantenna nu nyiptakeun kacapi siter. sumber : sajarah banjaran)